費城聯主場威力勁夠贏衝擊

2020-10-11 10:38:34 來源:網絡

聽朝美職東岸對決,費城聯主場迎戰蒙特利爾衝擊。費城聯今季攻守兼備,成為戰績冒升嘅關鍵,而且?恐鲌鰮嬍,撞正由法國名宿亨利揸旗、踢法有前冇後嘅衝擊,實食冇黐牙,主勝有計。

(myTV Gold 301、Now 638、有線654及614臺周一早上7時30分直播)

費城聯陣中冇乜球星,但勝在整體戰出色,依家無論喺東岸同總排名,都位居次席,僅次於FC多倫多,關鍵係做到攻守兼備。費城聯今季聯賽暫時入咗28粒,攻擊點夠曬分散,冇話倚賴邊個數胡,派斯比高、沙治奧山度士、安東尼方坦拿、班頓艾朗臣輪流發威,令對手難於防範,更重要係防守夠硬淨,至今只係失咗13粒,係其中1支失波第2少嘅球隊,加上佢哋今季6次主場全部贏曬,係聯賽唯一主場全勝球隊,極具威力。

亨利教波唔識守
暫時喺東岸排第8嘅蒙特利爾衝擊,今季喺法國名宿亨利接手下,繼續踢性感足球,單睇佢哋入24球、失30球嘅數字,就知班波幾有娛樂性喇,可惜掛住進攻無助戰績,近6仗聯賽只得1勝1和4負。加上雙方近4次碰頭,費城聯贏咗3場,今仗有埋主場之利,再贏衝擊冇難度。
哪些时时彩平台合法